COLA PESCE
Cola Pisci era un farotu, ca sapia natari
megghiu d'un pisci, basta diri ca java di
Missina a Catania e di Catania a Missina,
sempri sutt'acqua.
'Na vota vinni lu Re ccà a Missina, e sintíu
diri ch'avianu a Missina st'omu
maravigghiusu , ch'era lu primu nataturi.
Sintennu accussì, lu vosi vìdiri. Cola fu
chiamatu e si prisintau a lu Re.
- Dimmi: è veru (cci dici lu Re) ca tu sai
ben natari?
- Maistà, sì!
Allura lu Re cci jittau 'na spada a mari, e
Cola si calau e l'annau a pigghiiari.
Vidennu chistu, la Riggina cci jittau 'n
aneddu, non cci cridennu chi Cola Pisci lu
putía pigghiar; e Cola Pisci lu pigghiau.
- Allura m'hai a sapiri a diri chi cosa cc'est
sutta lu pedi d' 'u Sarvaturi (Forte del SS
Salvatore della Lanterna di Messina) - cci
dici lu Re.
Cola si jetta a mari, osserva e torna:
- Sapiti chi cc'è, Maistà ? Cc' est 'na
caverna, chi porta un gran' focu
Lu Re non ristau sudisfattu di sta cosa;
dici :
- Nenti: non mi sapisti diri nenti. Ora si
cc'è ssa caverna e tu mi sai purtari la
cìnniri di ssu focu, io ti fazzu un bonu
cumprimentu.
Scinníu arreri Cola, arrivau ddassutta, si
bruciau la mani e si nni 'nchianau. - Eccu,
Maistà! - e cci prisintau la mani bruciata.
Risposta di lu Re:
- Non su' cuntentu ancora. Tu ha' a tràsiri
jintra di la caverna; e m' hai a diri unni
corrispunni stu focu.
- Riali Maistà - cci dissi Cola - si io
scinnu, no 'nchianu cchiù supra: nni su'
sicuru. (A Cola Pisci mi cci parrava lu
cori).
Lu Re pi fallu pigghiari di puntu, cci dissi
ca un omu valenti non havi mai paura di
nuddu.
- Uliti accussì? io lu fazzu; ma io cci
perdu la vita.
Mi si pigghia na ferra:
- Si sta ferra - dici - 'nchiana bruciata,
'oli diri sugnu mortu; si non è bruciata,
sugnu vivu.
Scinníu e trasíu, cu sta ferra 'nta la mani,
jintra sta caverna. 'A ferra si bruciau e
vinni 'n summa. Cola Pisci arristau bruciato
e non 'nuchianau cchiù.
Lu Re fici, chistu pi vidiri si era veru chi
la caverna currispunnía cu suttaterra, ed
era unu di li sustegni di la Sicilia.
Raccontata a Messina da Sara Barbiera
riportata da Giuseppe Pitrè
su Fiabe e leggende popolari siciliane
COLAPISCI E LA RIGGINA
A Missina cc'era un omu chì lu chiamavanu
Pisci Cola. Chistu aveva li jidita junciuti:
chiddi di lu pedi puru comu chiddi di li
aceddi d'acqua e li gargi comu lì Pisci; e
ogni jornu si jittava, 'nt' ò Portu di
Missina, pi divirtìrìsi.
Vinni a Missina la Riggina, e cci cuntaru ca
cc'era st'omu purtintusu, chi stava a mari
comu un pisci. La Riggina ccì vosi cridiri
'n principiu, tantu ca lu chiamau a la
prova, e cu 'na lancia riali si lu purtò a
lu Garofalu, a lu Faru; e cci dissi:
- Ccà cc'è sta coppa d'oru; iò ti la jettu a
mari; si tu ddoppu un'ura la va' a trovi, è
tua.
Chiddu aspittau un'ura, e si jittau 'u funnu;
ddoppu du' uri assummau cu la coppa d'oru ê
manu.
La Rigina cci dumannau ch'avia vistu 'nta lu
funnu di lu mari, e Cola cci dissi ca cc'eranu
dui grannissimi caverni, chi sucavanu
l'acqua di lu mari, e avevanu comunicazioni
cu lu Muncibeddu.
Ddoppu jorna, prima di pàrtiri, la Riggina
lu chiamò arreri, e cci dissi:
- Iò ti jettu 'n'âtra coppa d'oru cchiù
granni di la prima, a pattu ca tu ha 'a
vìdiri sina unni arrivanu sti caverni.
Rispunni Cola: - Maistà, si
Lu 'nnumani matina la Riggina iju supra locu;
jittò a mari la coppa; ddoppu du' uri si
jittò Cola Pisci, e finu a st'ura s'aspetta
chi torna 'n summa.
Traduzione: COLAPESCE E LA REGINA
A Messina viveva un uomo che lo chiamavano
Pesce Cola.
Egli aveva le dita unite: quelli dei piedi erano
come quelli degli uccelli acquatici e aveva le
branchie come i pesci e ogni giorno si tuffava
nel porto di Messina per divertirsi.
Un giorno venne a Messina la Regina e venne a
sapere di quest'uomo portentoso che stava a mare
come un pesce. La Regina volle credere a quanto
le avevano detto, tanto che lo volle mettere
alla prova e, andati con una barca regale in un
punto chiamato Garofalu, presso Faro, gli disse:
- Qui c'è una coppa d'oro, io la butto a mare;
se tu dopo fra un'ora la trovi diventerà tua.
Lui aspettò un'ora e si tuffò nel fondo marino;
dopo due ore riemerse con la coppa d'oro in
mano.
La Regina gli chiese cosa avesse visto nel fondo
del mare e Cola rispose che c'erano due grandi
caverne, che aspiravano l'acqua del mare e
avevano una comunicazione con il Mongibello
(Etna).
Dopo alcuni giorni, prima di partire, la Regina
fece chiamare Cola e gli disse:
- Io ti butto un'altra coppa d'oro più grande
della prima a patto che tu vai a vedere fin dove
arrivano le caverne Cola rispose: Maestà, si
L'indomani mattina la Regina si recò sul luogo
prestabilito e gettò a mare la coppa; dopo si
tuffò Cola Pesce e fino ad oggi si aspetta che
riemerga.
S.Agata di Militello
Trascritta da Giuseppe Pitrè
su Fiabe e leggende popolari siciliane
COLAPESCE E LU SCOGGHIU
Cola Pisci era unu mezzu omu e mezzu
pisci.
Chistu avia summuzzatu nni tutti li gurfi di
lu munnu, e ddoppu avilli firrïatu tutti,
vinni a Siculiana.
Ccà piglià amicizia c'un arginteri, e ddoppu
'na pochi di jorna misiru 'na scummissa, ca
Cola avia a pigliari funnu nni lu gurfu di
Siculiana.
Cola accunsintíu e cci dissi accussi:
- Iu scinnu ddà jusu; si ddoppu mezz'ura
affaccia una scocca di sangu, ti nni va' pi
l'afiari to', cà i' nun vegnu cchiù
E daccussì successi.
Lu puntu unni Cola Pisci murì' è vicinu a lu
scogliu d' 'u russeddu.
Traduzione: COLA PESCE E LO SCOGLIO
Cola Pesce era un mezzo uomo e un mezzo
pesce.
Costui si era tuffato in tutti i golfi del mondo
e, dopo averli esplorati tutti, venne a
Siculiana.
Qui fece amicizia con un argentiere e dopo
alcuni giorni fecero la scommessa che Cola
dovere toccare il fondo del golfo di Siculiana.
Cola accettò e disse così:
- Io scendo laggiù; se dopo mezz'ora viene a
galla una macchia di sangue, vattene per gli
affari tuoi che io non riemergo più.
E così accadde.
Il punto dove Cola Pisci morì è vicino allo
scoglio del russeddu
Siculiana
Raccontata da Giuseppe Pitrè
in Fiabe e leggende popolari siciliane
Altri Racconti>
